༸སྤྱི་ནོར་གོང་ས་སྐྱབས་མགོན་ཆེན་པོ་མཆོག་གི་བཀའ་དྲིན་རྗེས་དྲན་གྱི་ཆེད་བོད་གཞུང་དམངས་གཉིས་ནས་བྱམས་བརྩེའི་ལོ་འདི་སྲུང་རྩི་བྱེད་པ་བཞིན་དུ།

འདི་ག་སྒོ་མང་དཔེ་མཛོད་ལས་བྱེད་ཡོངས་ཀྱི་ངོས་ནས་ཀྱང་བཀའ་དྲིན་གྱི་ཆ་ཤས་ཙམ་མཚོན་པའི་སླད་དུ་ཟླ་བ་དུ་མའི་སྔོན་ནས་བཟུང་ལས་ཀའི་མགོ་བརྩམས་ཏེ་ད་ལམ།  <<འཇུག་པ་རང་འགྲེལ་>>ལ་དགོངས་པ་རབ་གསལ་དང་གུང་ཐང་བློ་གྲོས་རྒྱ་མཚོ་རྣམ་གཉིས་ཀྱི་ས་བཅད་དང་སྦྱར་བ་དང་། <<རྣམ་བཤད་སྙིང་པོའི་རྒྱན>>སྟོད་སྨད་གཉིས་སུ་བགོས་ཤིང་འགྲེལ་བ་དོན་གསལ་དང་སྦྱར་བ། <<ཀུན་མཁྱེན་བླ་མའི་མཛོད་མཐའ་དཔྱོད>>བསྐྱར་ཞིབ་དང་འབྲེལ་ཞུ་དག་ངོས་གཙང་དུ་བྱས་པ། <<གུང་ཐང་བདེན་བཞི་དང་ཆོས་རྗེ་ངག་དབང་དཔལ་ལྡན་པའི་བདེན་གཉིས>><<གྲུབ་མཐའ་རྩ་བའི་ཚིག་ཊཱིཀ་དང་བསྟན་དར་ལྷ་རམས་པའི་གཅིག་དུ་བྲལ>>བཅས་ཕྱག་དཔེ་ཁག་བདུན་ལེགས་འགྲུབ་བྱུང་ཡོད་པ་ལགས་ན། གསལ་བསྒྲགས་ནང་གསལ་ལྟར་གྱི་ཉིན་ནས་བཟུང་འདི་ག་དཔེ་མཛོད་ཁང་གི་ཕྱག་དཔེ་བླུ་ཡོན་ཞུ་འབུལ་ཁང་དུ་འབྱོར་ངེས་པས། དོན་གཉེར་ཅན་རྣམས་ཀྱིས་དོ་སྣང་མཛོད།